Ýere kosmosdan syn ederler
Şu ýylyň 10-njy awgustynda millioner Riçard Brensonyň «Virgin Galactic» kompaniýasy tarapyndan kosmosa ilkinji syýahatçylyk uçuşynyň amala aşyrylmagyna garaşylýar.
Asman giňişliginiň 80 kilometrine çenli belentliginde uçuşlaryň 4-si üstünlikli amala aşyrylandan soňra şeýle karara gelindi.
Garaşylýan uçuşyň syýahatçylyk maksatly boljakdygy, şeýle hem onuň Ýerden 85 kilometr belentlikde geçjekdigi mälim edildi. Uçuşyň dowamlylygy, takmynan, 90 minut dowam eder. Habar berlişine görä, «Galaсtiс 02» atly täze missiýada üç ýolagçy kosmosa uçar. Emma heniz olaryň atlary mälim edilmedi.
Şu güne çenli 800 adam bu uçuşa gatnaşmak üçin nobata durýar. «Virgin Galactic» her ýylda şeýle howa gämileriniň 400-sini öndürmegi meýilleşdirýär.
