Ýene bir akylly ruçka döredildi
Bütindünýä sowatlylyk gaznasy täze önümiň – sowatsyzlyga garşy göreşýän “Literacy Pen” atly akylly ruçkanyň öndürilendigini habar berdi.
Teklip edilýän akylly enjamyň ruçka ýa-da galama dakylýan kiçijik gadjetdigi bellendi.
Sowatlylyk ruçkasy, islendik ýazuw guralyna laýyk gelýän ýeňil gysgyçdan ybaratdyr. Enjam şeýle ykjam bolandygy üçin ýazmaga päsgel bermeýär.
Sowatlylyk ruçkasy gaty ýönekeý işleýär. Ulanyjy diňe görkezilen düwmä basmaly we ýazyljak sözi gaty sesde aýtmaly.
Kiçi ekranda sözüň dogry ýazylyşyny harpma-harp görkezýän animasiýa peýda bolar.
Oýlap tapyjylaryň pikirine görä, gadjet gaýtalamak we wizual öwrenmek arkaly adamda sowatlylygy netijeli ösdürýär.
