Ýaşlar ýygyndymyz yklym ýaryşynyň saýlama tapgyryna ýeňiş bilen girişdiler

Baş tälimçi Ahmet Agamyradowyň ýolbaşçylygyndaky Türkmenistanyň futbol boýunça ýaşlar milli ýygyndysy (U-23) Aziýanyň kubogy-2026 saýlama ýaryşynyň birinji tapgyrynda Hytaý Taýbeýiniň topary bilen geçiren oýunda 5:1 hasaby bilen uly ýeňiş gazandy. A toparçanyň oýny Iordaniýanyň paýtagtynda geçirildi.
6-njy sentýabrda Türkmenistanyň ýaşlar milli ýygyndysy ikinji tapgyrda Butanyň topary bilen duşuşar. Şol günüň özünde Hytaý Taýbeýi Iordaniýa bilen oýnar.
Aziýanyň kubogy-2026 ýaşlar saýlama ýaryşynda ýygyndylar 11 saýlama toparçasyna bölünip, oňa 44 topar gatnaşýar. Toparçanyň ýeňijileri we ikinji ýerleri eýelän toparlaryň arasyndan iň gowularynyň dördüsi ýaryşyň jemleýji tapgyryna gatnaşmaga hukuk gazanar.
Aziýanyň kubogy U-23 ýaryşynyň jemleýji tapgyry 2026-njy ýylyň 7-25-nji ýanwarynda Saud Arabystanynda geçiriler.