Ýaşlar guramasy Türkmenabadyň iň zehinli okuwçylaryny kesgitledi

Türkmenabat şäheriniň ýöriteleşdirilen 39-njy orta mekdebinde Türkmenistanyň Magtymguly adyndaky Ýaşlar guramasynyň Lebap welaýatynyň Türkmenabat şäher Geňeşiniň, Lebap welaýat Baş bilim müdirliginiň bilim bölümi bilen bilelikde guramagynda etrabyň umumybilim berýän orta mekdepleriň 10-12-nji synplarynda okaýan okuwçy oglan-gyzlarynyň arasynda «Sözi paýhas bezär – sazy-sungat» atly bäsleşik geçirildi.
Bäsleşikde birinji orna Türkmenabat şäheriniň 22-nji orta mekdebiniň 11-nji synp okuwçysy Ýakup Myradow, ikinji orna Türkmenabat şäheriniň daşary ýurt diline ýöriteleşdirilen 3-nji orta mekdebiniň 12-nji synp okuwçysy Alymjan Meýmanow, üçünji orna Türkmenabat şäheriniň 32-nji orta mekdebiniň 10-njy synp okuwçysy Begenç Hamraýew dagylar mynasyp boldular.