Ýaşlar guramasy işjeň hünärmenleri sylaglaýar
Şu günler Türkmenistanyň Magtymguly adyndaky ýaşlar guramasynyň Dänew etrap geňeşi etrabymyzyň bilim we terbiýeçilik edaralarynda bolup, geňeşiň işjeň agzalaryny sylaglamak çärelerini geçirýär.
Guramanyň agzalaryny täze okuw ýylynda-da tutanýerli zähmet çekmäge, köpçülikleýin işlerine işjeň gatnaşmaga höweslendirmek maksady bilen guralýan bu çäreler bilim ojaklarynda uly ruhubelentlik ýagdaýyny döredýär. Ýaş nesle bilim bermekde tutanýerli zähmetini gaýgyrmaýan bilim işgärleri eýýäm şu günlerden başlap zähmet depginini ýokarlandyrmaga girişdiler. Olar guramanyň ýakyn günlerde geçirilmegi meýilleşdirýän dürli maksatly çärelerine işjeň gatnaşmagy, döredijilikli işlemegi öz öňlerinde maksat edinip goýdular.
