Ýaş pagtaçy kärendeçiler sylaglanylýarlar
Şu günler Türkmenistanyň Magtymguly adyndaky Ýaşlar guramasynyň Lebap welaýat, etrap Geňeşleri tarapyndan «Ezber pagtaçy» atly duşuşyk çäreleri giň gerime eýe bolýar.
Bu işler pagty ýygymy möwsüminde öňdebaryjy ýaş pagtaçy kärendeçileri höweslendirmek maksady bilen geçirilýär. Çäräniň dowamynda guramanyň işjeň agzalarydyr hünärmenleri ýaş ýygymçylar, kärendeçiler bilen gyzykly söhbetdeşlikleri guraýarlar. Ýaşlar guramasynyň welaýat, etrap geňeşleri tarapyndan eýýäm şeýle çäreler Saýat etrabynyň «Çekiç», «Görelde» daýhan birleşiklerinde, Kerki etrabynyň Osman Söhbetow adyndaky daýhan birleşiginde, Döwletli etrabynyň «Azatlyk» daýhan birleşiginde we Darganata etrabynyň «Türkmenistan» daýhan birleşiginde geçirildi. Duşuşyklaryň dowamynda öňdebaryjy ýaş pagtaçy kärendeçiler guramanyň adyndan ýadygärlik sowgatlary bilen sylaglanylýarlar.
