Ýanwar aýynda Lebapda 11,6 müň tonna pagta süýümi öndürildi
Şu ýylyň ilkinji aýynda Lebap welaýatynyň pagtany gaýtadan işleýjileri tarapyndan pagta süýüminiň 11,6 müň tonnasy öndürildi. Şol çig maldan öndürilen nah ýüplükler bolsa 39,7 million manatlyga barabar boldy.
Şonuň netijesinde geçen ýylyň degişli döwrüne görä 9,2 göterim artyş depgini gazanyldy. Nah ýüplükleriň bir bölegi ýurdumyzyň dokma fabriklerine, beýleki bir bölegi bolsa daşary ýurtlara eksport edilýär.
