Ýakyn we uzak ýurtlar Türkmenistandan haryt import edýärler
Üstümizdäki ýylyň üç aýynda Lebap welaýatynda hereket edýän hususy kärhanalarda öndürilen önümleriniň eksportynyň umumy bahasy 3 million 337 müň manada barabar boldy. Gyzyl pulda bu alty belgili san bilen beýan edilýär, ýagny, ol ABŞ-niň 953 müň 450 dollaryndan geçdi.
Harytlar Özbegistana, Owganystana, Hytaýa, Belarusa, Azerbaýjana, Türkiýä we Dubaýa ugradyldy. Daşary ýurtlara, esasan, izogamm, suwuk bitum mastikasy, akkumulýatorlar, mebellik nah mata, suwuk senagat garyndysy we matalyk pagta süýümi ugradyldy.
