Wengriýada we Hytaýda ýokary bilim almak isleýän bolsaňyz, howlugyň!
Türkmenistanyň Bilim ministrligi 2025/2026-njy okuw ýyly üçin Wengriýanyň
we Hytaýyň ýokary okuw mekdeplerinde bakalawr maksatnamasy boýunça
okuwa girmek isleýänleriň arasyndan dalaşgärleri seçip almaklygy yglan etdi.
Dalaşgärlerden resminamalary kabul edişlik 25-nji noýabrdan 10-njy dekabra
çenli Halkara ynsanperwer ylymlary we ösüş uniwersitetinde geçirilýär. Bu
barada ministrlige salgylanmak bilen, «Türkmenistan: Altyn asyr» saýty habar
berýär.
Resminamalar şu şertlerde kabul edilýär:
– Wengriýada okamak isleýänler üçin: 2024-2025-nji okuw ýylynda orta
mekdebi tamamlan okuwçylar, olar 31-nji awgusta çenli 18 ýaşa ýeten bolmaly;
– Hytaýda okamak isleýänler üçin: 2024-2025-nji okuw ýylynda orta mekdebi
tamamlan okuwçylar, 18 ýaşa ýetenler we 25 ýaşdan geçmedik raýatlar.
Iňlis dilini bilmek hökmany talap bolup durýar.
Tabşyrmaly resminamalaryň sanawy Türkmenistanyň Bilim ministrliginiň saýtyndan alyp bilersiňiz.
