Welaýat muzeýinde wagtlaýyn sergi guraldy

Welaýat Taryhy we ülkäni öwreniş muzeýiniň hem-de Türkmenistanyň Kärdeşler arkalaşyklarynyň welaýat birleşmesiniň bilelikde guramaklarynda Medeniýet we sungat işgärleriniň hem-de Magtymguly Pyragynyň şygryýet güni, şeýle hem Medeniýet hepdeligi mynasybetli «Milli medeniýetimiz — genji-hazynamyz» atly maslahat we giň gerimli serginiň açylyş dabarasy geçirildi.
Maslahata we serginiň açylyş dabarasyna Türkmenistanyň Mejlisiniň deputatlary, Türkmenistanyň Kärdeşler arkalaşyklarynyň welaýat we etrap birleşmeleriniň işjeň agzalary, medeniýet we sungat işgärleri, ýörite we çagalar sungat mekdepleriniň mugallymlary hem-de talyplary gatnaşdylar.
Muzeýde şanly sene mynasybetli guralan «Milli medeniýetimiz — genji-hazynamyz» atly sergi bu ýere ýygnananlaryň ünsüni özüne çekdi. Sergide ýerleşdirilen muzeý gymmatlyklary, suratkeşleriň dürli ugurlar boýunça ýerine ýetiren işleri, milli saz gurallary tomaşaçylarda ýakymly täsir galdyrdy.