Welaýat halk maslahatynyň möhletinden öň çykyp giden agzasynyň ýerine üç dalaşgär görkezildi

Lebap welaýatynyň 13-nji saýlaw okrugy boýunça welaýat halk maslahatynyň möhletinden öň çykyp giden agzasynyň ýerine täze dalaşgärler görkezildi. Bu saýlaw okrugy boýunça üç dalaşgär hödürlenilip, olar öňde geçiriljek saýlawda welaýat halk maslahatynyň agzalygyna saýlanmak üçin bäsleşerler.
Dalaşgärleriň hatarynda Çärjew etrabyndaky 22-nji orta mekdebiň mugallymy Çaryýew Bazar Gurbanowiç, Çärjew etrabyndaky Astan Işangulyýew adyndaky 1-nji orta mekdebiň mugallymy Kurbanow Hamra Hamitowiç hem-de Çärjew etrabyndaky 6-njy orta mekdebiň mugallymy Rahmanow Atamurat Nuriddinowiç bar. Görnüşi ýaly, dalaşgärleriň ählisi bilim ulgamynda zähmet çekýän mugallymlar bolup durýar.
Üç dalaşgäriň hem ýaşlary biri-birine ýakyn. Çaryýew Bazar Gurbanowiç 1992-nji ýylda, Kurbanow Hamra Hamitowiç 1993-nji ýylda, Rahmanow Atamurat Nuriddinowiç bolsa 1997-nji ýylda doglan. Olar dürli orta mekdeplerde zähmet çekýän ýaş mugallymlar bolup, degişli saýlaw okrugynyň ýaşaýjylary hökmünde dalaşgär görkezildiler.
13-nji saýlaw okrugy boýunça görkezilen dalaşgärleriň arasynda öňde geçiriljek saýlawda saýlawçylaryň ynamyny gazanan dalaşgär welaýat halk maslahatynyň täze agzasy hökmünde saýlanar.