Üç ekranly smartfonlar satuwa çykarylar
Hytaýyň dünýä belli Huawei kompaniýasynyň täze smartfonlary alyjylar köpçüliginiň ünsüni özüne çekdi. Mate XT Ultimate Design diýlip atlandyrylan smartfonlaryň esasy aýratynlygy – olary bir, iki ýa-da üç ekranly edip ulanyp bolýandygyndadyr. Galyňlygy ýygnalanda 12,8, doly açylanda 3,6 millimetr bolan akylly telefon 10,2 dýuýmly ekrany emele getirýär. Telefony ýygnamak üçin bolsa ony üç gezek epläp bolýar. Telefony emeli aň arkaly terjime hyzmatlary, eplenýän klawiatura, 16 GB RAM hem-de 1 TB ýady, 5600 mA/s kuwwatly batareýasy bar. Onuň kamera aýratynlyklary hem ýokary. Kompaniýanyň wekilleri täze smartfonyň eýýam 4 milliondan gowragy üçin sargytlary kabul etdiler.
