Türkmenistanyň wekiliýeti Türkmen-özbek sebitara forumyna gatnaşar
Şu gün Türkmenistanyň wekiliýeti Özbegistan Respublikasynyň Buhara şäherine gulluk iş saparyna gitdi. Onuň düzüminde telekeçiler, ýurduň Söwda-senagat edarasynyň wekilleri we beýlekiler bar.
Olar Türkmen-özbek sebitara forumyna, Türkmenistanyň we Özbegistanyň Söwda-senagat edaralarynyň arasyndaky Işewürlik geňeşiniň mejlisine, Türkmenistanyň we Özbegistanyň önümçilik mümkinçilikleriniň sergisine gatnaşarlar. Sapar 14-nji iýuna çenli dowam eder. Forumyň işine Lebap welaýatynyň wekilleri hem gatnaşarlar.
Forumyň soňunda türkmen-özbek bilelikdäki dostluk konserti bolar.
