Türkmenistanyň Prezidentiniň saýlawlaryna taýýarlanylýar
Lebap welaýatynyň Köýtendag etrabynyň Magdanly şäherinde hem 12-nji martda geçiriljek Türkmenistanyň Prezidentiniň saýlawlaryna taýýarlyk guramaçylykly alnyp barylýar. Şäherde 20 sany saýlaw uçastoklary döredilipdir. Bu syýasy çärä jemi 20 müň 552 saýlawçylaryň saýlawlara gatnaşmagyna garaşylýar.
Saýlaw uçastoklarynyň ählisinde gizlin ses bermek üçin kabinalar oturylypdyr, býulletenler üçin gutularyň durjak ýerleri, uçastok saýlaw toparlarynyň işlejek ýerleri anyklanylypdyr. Saýlawçylaryň sanawy düzülip, olaryň saýlawlaryň geçiriljek güni, ses bermegiň tertibi habar edilipdir.
