Türkmenistanyň Prezidenti täze okuw ýylynyň başlanmagy bilen gutlady
Türkmenistanyň Prezidenti Serdar Berdimuhamedow mekdep okuwçylaryny, talyp ýaşlary, mugallymlary we bilim işgärlerini Bilimler we talyp ýaşlar güni hem-de 2022-2023-nji täze okuw ýylynyň başlanmagy bilen tüýs ýürekden gutlady.
Gutlagda: «Siz belent watansöýüjilik duýgyňyz, tutanýerliligiňiz we erjelligiňiz bilen ylym-bilim dünýäsine çuňdan aralaşmalysyňyz. Asyrdan-asyra, nesilden-nesle geçirilip, kämil derejä ýetirilen milli ýörelgelerimizi mynasyp dowam etdirip, watansöýüjilikde, tämiz ahlaklylykda, beden we ruhy taýdan sagdynlykda ýokary derejelere ýetmelisiňiz. Berkarar döwletiň täze eýýamynyň
Galkynyşy döwründe okamak, öwrenmek, döredijilikli, yhlasly zähmet çekmek bilen, eziz Watanymyzyň şan-şöhratyny, mertebesini öňküdende belende götermelisiňiz» diýilýär.
Gutlag täze okuw ýylynyň başlanmagy guralan dabaralarda okaldy.
