Türkmenistanyň Prezidenti indiki ýylda geçiriljek sergileriň, ýarmarkalaryň, maslahatlaryň, festiwallaryň sanawyny tassyklady
Türkmenistanyň Prezidenti özüniň Karary bilen 2023-nji ýylda geçirilmegi meýilleşdirilen sergileriň, ýarmarkalaryň, maslahatlaryň, festiwallaryň sanawyny we olary geçirmek boýunça guramaçylyk toparynyň düzümini tassyklady.
Resminamada çäreleriň Berkarar döwletiň täze eýýamynyň Galkynyşy döwründe ýurdumyzda amala aşyrylýan durmuş-ykdysady özgertmeler bilen dünýä jemgyýetçiligini tanyşdyrmak, daşary ýurtly hyzmatdaşlar bilen köpugurly gatnaşyklary mundan beýläkde ösdürmek, ylmyň gazananlaryny önümçilige giňden ornaşdyrmak we ykdysadyýetiň pudaklaryna maýa goýumlary çekmek maksady bilen geçiriljekdigi bellenilýär.
Resminama laýyklykda, ministrlikler we pudaklaýyn dolandyryş edaralary tarapyndan Ministrliklere hemde pudaklaýyn dolandyryş edaralaryna degişli çäreleriň ýokary guramaçylyk derejesinde geçirilmegini üpjün etmek tabşyryldy.