Türkmenistanyň Prezidenti bugdaý ekişine girişmäge ak pata berdi
Lebap welaýatynda 2-nji sentýabrda güýzlük bugdaýyň ekişine girişiler. Türkmenistanyň Prezidenti Serdar Berdimuhamedow 26-njy awgustda sanly ulgam arkaly geçirilen hökümet mejlisinde 2-nji sentýabrda bugdaý ekişine girişmäge ak pata berdi.
Häzirki wagtda ýurdumyzyň ähli welaýatlarynyň ekin meýdanlarynda agrotehniki kadalara laýyklykda, bugdaý ekiljek meýdanlarda sürüm we tekizleýiş işleri, tagt suwuny tutmak hem-de ekiş üçin zerur bolan bugdaý tohumlaryny taýýarlamak işleri utgaşykly dowam etdirilýär.