Türkmenistanyň Prezidenti Änew şäheriniň «Türki dünýäniň medeni paýtagty» diýlip yglan edilmegi mynasybetli dabaralary we çäreleri geçirmegiň guramaçylyk toparynyň düzümini we meýilnamasyny tassyklady
Türkmenistanyň Prezidenti özüniň Karary bilen Änew şäheriniň 2024-nji ýylda “Türki dünýäniň medeni paýtagty” diýlip yglan edilmegi mynasybetli dabaralary we çäreleri guramaçylykly geçirmegiň guramaçylyk toparyny döretdi. Resminama bilen onuň onuň düzümi, şeýle-de geçiriljek dabaralaryň we çäreleriň meýilnamasy hem tassyklanyldy.
2022-nji ýylyň 5-nji noýabrynda Türkiýe Respublikasynyň Bursa şäherinde geçirilen TÜRKSOÝ-a agza döwletleriň medeniýet ministrleriniň hemişelik geňeşiniň 39-njy mejlisinde Änew şäheriniň 2024-nji ýylda «Türki dünýäniň medeni paýtagty» diýlip yglan edilipdi.
Şonuň ýaly-da, Medeniýet ministrligine degişli ministrliklere we pudaklaýyn dolandyryş edaralaryna welaýatlaryň, Aşgabat şäheriniň häkimlikleri bilen bilelikde Meýilnamada göz öňünde tutulan dabaralaryň we çäreleriň ýokary derejede, guramaçylykly geçirilmegini üpjün etmek tabşyryldy.