Türkmenistanyň Magtymguly adyndaky ýaşlar guramasynyň Lebap welaýat geňeşiniň VIII hasabat-saýlaw ýygnagy geçirildi
Lebap welaýat maliýe ykdysadyýet orta hünär okuw mekdebiniň mejlisler zalynda geçirilen bu hasabat-saýlaw ýygnagyna guramanyň etrap-şäher geňeşleriniň işgärleri, işjeň agzalary we dürli pudaklarda zähmet çekýän welaýatyň ýaşlary gatnaşdylar. Hasabat-saýlaw ýygnaklarynyň dowamynda gün tertibiniň meseleleri boýunça guramanyň welaýat geňeşiniň müdiriýetiniň düzümini, derňew toparynyň başlygynyň we onuň agzalaryny saýlamak meselelerine seredildi. Bu meseleler boýunça ses berildi we bir agyzdan kararlar kabul edildi. Ýakyn günlerde Aşgabatda geçiriljek Türkmenistanyň Magtymguly adyndaky ýaşlar guramasynyň VII gurultaýyny guramaçylykly geçirmäge işjeň gatnaşmak boýunça aýdylanlar gün tertibiniň esasy meselesi hökmünde kesgitlendi. Şonuň ýaly-da, ýygnakda Türkmenistanyň Magtymguly adyndaky ýaşlar guramasynyň işini ilerletmegiň guramaçylyk meselelerine seredildi.
