Türkmenistanyň kuraş boýunça zenanlar ýygyndysy Türkmenabatda türgenleşýär
Türkmenistanyň kuraş boýunça zenanlar ýygyndysy şu günler baş tälimçi Şirin Kubaýewanyň ýolbaşçylygynda Türkmenabat şäherindäki Köpugurly sport toplumynda türgenleşýär.
Tälimçi türgenleşikler üçin gyzlaryň 25-sini çagyrdy. Olaryň agramly bölegi häzirki wagtda Lebap welaýatynda türgenleşýän ýa-da tälim berýän gelin-gyzlar bilen birlikde kuraşyň Lebap mekdebiniň uçurymlarydyr.
Okuw-türgenleşik ýygnanyşygyna gatnaşýan türgenleriň 16-sy şu ýylyň noýabr aýynda Aşgabatda geçiriljek dünýä çempionatyna gatnaşdyrylmak üçin saýlanyp alnar.
Baş tälimçi türgenleşikleri hepdäniň alty gününde, her gün hem iki wagtyna geçirýär.
