Türkmenistanyň Garaşsyzlygynyň 31 ýyllygynyň şanyna guralan dabara
Lebap welaýat Saglygy goraýyş müdirliginiň hem-de Türkmenistanyň Kärdeşler arkalaşygynyň Lebap welaýat birleşmesiniň bilelikde guramagynda Türkmenabat şäher maliýe we ykdysadyýet müdirliginiň mejlisler zalynda geçirilen dabara lukmanlar, bilim işgärleri, jemgyýetçilik guramalarynyň hem-de ýaşuly nesliň wekilleri gatnaşdylar. Dabarada çykyş eden lukmanlar welaýatda Garaşsyzlyk ýyllarynda açylyp, ulanylmaga berlen iri hassahanalardyr saglyk merkezleriniň işi, olarda döredilen giň mümkinçilikler dogrusynda gürrüň berdiler.
Dabara gatnaşan myhmanlar binanyň giň zalynda guralan sergä tomaşa etmek mümkinçiligine hem eýe boldular. Sergide S.A.Nyýazow adyndaky «Buýan» obasenagat toplumynyň öndürýän dermanlyk önümleri, Türkmenistanda bitýän dermanlyk ösümliklerden taýýarlanylan derman serişdeleri, çaýlar görkezildi.