Türkmenistanyň daşary syýasat ugrunda halkara hyzmatdaşlyk giňelýär

Ministrler Kabinetiniň Başlygynyň orunbasary, daşary işler ministri R.Meredow Hökümetiň 15-nji oktýabrda geçirilen mejlisinde döwlet Baştutanyna daşary ýurtlar bilen hyzmatdaşlyk boýunça alnyp barylýan işler barada hasabat berdi.
Bellenilişi ýaly, “Awaza” milli syýahatçylyk zolagynda geçirilen BMG-niň Deňze çykalgasy bolmadyk döwletler boýunça üçünji maslahatyň netijeleri halkara derejesinde uly seslenme döretdi.
Maslahatyň netijesinde “Awaza syýasy Jarnamasy” kabul edilip, ol 14-nji oktýabrda BMG-niň Baş Assambleýasynyň 80-nji sessiýasynyň 18-nji mejlisinde biragyzdan makullanyldy.
Hormatly Prezidentimiz bu halkara üstünlik bilen döwlet işgärlerini gutlap, Türkmenistanyň parahatçylyk ýörelgelerine esaslanýan daşary syýasatynyň dünýäde giň goldaw tapýandygyny belledi.