Türkmenistanda ýolagçy otlularynyň tapgyrlaýyn gatnawy ýola goýuldy
«Türkmendemirýollary» agentliginiň saýtynda 2022-nji ýylyň 20-nji maýyndan başlap, Aşgabat şäherinden we welaýat merkezlerinden ýolagçy otly gatnawlarynyň tapgyrlaýyn ýola goýulýandygy baradaky bildiriş goýuldy. Oňa laýyklykda ýolagçy otlularynyň gatnawy aşakdaky tertipde we ugurlar boýunça amala aşyrylýar:
1) her gün «Aşgabat — Türkmenbaşy»;
2) her gün «Türkmenbaşy — Aşgabat»;
3) her hepdäniň penşenbe, ýekşenbe günleri «Türkmenabat — Türkmenbaşy»;
4) her hepdäniň anna, duşenbe günleri «Türkmenbaşy — Türkmenabat»;
5) her hepdäniň çarşenbe, ýekşenbe günleri «Aşgabat — Daşoguz»;
6) her hepdäniň penşenbe, duşenbe günleri «Daşoguz — Aşgabat».
Bildirişde ýolagçylaryň diňe gatnaw günlerinde kassalardan petek satyn alyp bilýändikleri hem habar berilýär. Petekleri öňünden satyn almak üçin www.railway.gov.tm web saýtyndan ýa-da railway (android) we (IOS) mobil goşundylaryndan peýdalanyp bolýandygy ýolagçylaryň dykgatyna ýetirilýär.