Türkmenistanda Oraza baýramy bellenilýär
Şu gün Türkmenistanda Oraza baýramy bellenilýär. Prezident Serdar Berdimuhamedowyň ýakynda gol çeken Permany bilen baýramyň bellenilýän güni iş güni däl diýlip yglan edildi.
Ir säher bilen Lebap welaýatynyň ähli metjitlerinde baýram namazy okaldy. Oňa welaýatyň ýaşaýjylary köpçülikleýin gatnaşdylar. Welaýat Baş metjidinde okalan baýram namazyna has köp adam gatnaşdy.
Oraza baýramy Oraza aýynyň ahyrky günüdir. Bu gün agyz beklenilmeýär we ähli ýerde baýram tagamlary taýýarlanylyp, hemmeler milli baýram bilen gutlanylýar.
Aýyň dowamynda Türkmenistanyň beýleki sebitleri bilen bilen bir hatarda Lebap welaýatynda hem agzaçar sadakalarynyň berlendigini ýatladýarys. Ýakynda welaýat Baş metjidinde berlen agzaçar sadakasynda Türkmenistanyň Halk Maslahatynyň Başlygy Gurbanguly Berdimuhamedowyň mähriban käbesi, Prezident Serdar Berdimuhamedowyň enesi Ogulabat ejäniň hatyrasyna aýat-töwirleriň okalandygyny habar beripdik.
