Türkmenistanda oba hojalyk ugurly täze kitaplar neşir edildi

Türkmenistanda ýurduň oba hojalyk ugurly ýokary okuw mekdepleriniň talyplary üçin täze okuw kitaplary çykaryldy.
«Oba hojalyk ekinleriniň hil barlagy» atly täze okuw gollanmasynda ter miweleriň, gök-önümleriň we däneli ekinleriň barlaghana işlerini, tehniki-himiki barlaglary geçirmegiň usullary, şeýle hem azyk senagatynyň kärhanalarynda önümiň hiline gözegçilik etmekde ulanylýan häzirki zaman abzallary we serişdeleri, şeýle enjamlaryň işleýiş aýratynlyklary, önümiň hili barlanylanda ulanylýan hasaplar hem-de tejribe işlerini geçirmegiň usulyýeti beýan edilýär. 
«Pagta önümleriniň hilni barlamak» atly ýene-de bir täze okuw kitaby ýurduň pagta arassalaýjy kärhanalarynda ulanylýan esasy ýörelgelere we usullara, şeýle hem pagtany gaýtadan işlemegiň nazaryýet esaslaryna, şeýle hem önümiň hilini ýokarlandyrmagyň usullaryna hem-de ony dünýä bazaryna çykarmak boýunça çärelere bagyşlanandyr.