Nowruz baýramynyň öň ýanynda — 20-nji martda Türkmenistanda ählihalk bag ekmek çäresi geçiriler.
Ony geçirmek boýunça Türkmenistanyň Prezidenti Karara gol çekdi. Onda çäräniň Berkarar döwletiň täze eýýamynyň Galkynyşy döwründe ýurdumyzy bagy-bossanlyga öwürmek, tokaý zolaklaryny döretmek we ekilen bag nahallaryna talabalaýyk ideg etmek maksady bilen geçirilýändigi bellenilýär.
Ministrliklere, pudaklaýyn dolandyryş edaralaryna, welaýatlaryň we Aşgabat şäheriniň häkimliklerine ählihalk bag ekmek dabarasynyň ýokary guramaçylykly geçirilmegini üpjün etmek tabşyryldy.
