Türkmenistanda 2025-nji ýylyň şygary yglan edildi

Türkmenistanyň Mejlisiniň Karary bilen 2025-nji ýyl ýurtda «Halkara parahatçylyk we ynanyşmak ýyly» diýip atlandyryldy.
Milli parlamentiň ýolbaşçysy welaýatlaryň we Aşgabat şäheriniň häkimleriniň hem gatnaşmagynda geçirilen Ministrler Kabinetiniň we Döwlet howpsuzlyk geňeşiniň giňişleýin mejlisinde döwlet Baştutanynyň garamagyna geljek ýylyň nyşanyny hem hödürledi.
Döwlet Baştutany Türkmenistanyň Mejlisiniň agzalarynyň halk köpçüligi bilen bilelikde geljek ýylyň şygaryny hem-de nyşanyny teklip edýändiklerini belledi we bu teklibi goldap, 2025-nji ýylyň şygaryny «Halkara parahatçylyk we ynanyşmak ýyly» diýip yglan etdi. Bu çözgüt şowhunly el çarpyşmalar bilen garşylanyldy.