«Türkmenistan» howa ýollary kompaniýasynyň uçary Buharestden Türkmenabada ýörite uçuş amala aşyrdy
Şu gün «Türkmenistan» awiýa kompaniýasynyň uçary Rumyniýanyň paýtagty Buharestden Türkmenabat şäherine ýörite uçuşy amala aşyrdy.
«Boing-777» kysymly uçarda 282 adam geldi. Olar bu ýurduň ýokary okuw jaýlaryny tamamlan talyplar we şol ýerde bolup ýören Türkmenistanyň raýatlarydyr. Olar dünýäde koronawirus pandemiýasynyň ýaýramagy zerarly ýurtlaryň arasyndaky gatnawlaryň wagtlaýyn togtadylandygy sebäpli öz ýurtlaryna gaýdyp bilmändiler.
Olar degişli lukmançylyk barlagyndan geçirildi we karantine ýerleşdirildi.
Uçuş Türkmenistanyň Prezidenti Gurbanguly Berdimuhamedowyň tabşyrygyna laýyklykda amala aşyryldy.
