Türkmenistan benziniň bahasy iň arzan ýurtlarynyň sanawynda 7-nji orunda
Muňa «GlobalPetrolPrices» internet-neşiri tarapyndan neşir edilen dünýäde motor ýangyjynyň bahalary hakyndaky maglumatlar şaýatlyk edýär.
Hasabata laýyklykda, A-95 benziniň 1 litriniň bahasy 0,428 dollara barabar. Türkmenistandan bu görkeziji babatda öňde Wenesuela, Liwiýa, Eýran, Alžir, Kuweýt we Angola bar. Wenesuelada benziniň 1 litri 0,022 dollara barabar. 1 litr benziniň dünýäde ortaça bahasy 1,36 dollara deň. Benziniň bahasynyň iň gymmat ýurdy — Gonkong, ol ýerde 1 litr benzin 2,98 dollara düşýär.
