«Türkmenhimiýa» döwlet konserni daşary ýurtlaryň kompaniýalary bilen resminamalara gol çekdi
Türkmenistanyň gurluşygyna, senagatyna, energetikasyna bagyşlanan Halkara serginiň we maslahatyň çäklerinde birnäçe resminamalara gol çekildi. Olaryň arasynda «Türkmenhimiýa» döwlet konserniniň hem-de daşary ýurtlaryň kompaniýalarynyň we işewürleriniň birnäçesiniň arasynda gol çekilen resminamalar bar. Şolaryň hatarynda Ahal welaýatyndaky gazdan benzin öndürýän zawodda öndürilen «ECO-93» kysymly benzini satyn almak boýunça eksport şertnamalarynyň üçüsi, Beýik Britaniýanyň, Germaniýanyň we Italiýanyň iri kompaniýalary bilen baglaşylan 3 import şertnamasy, «Türkmenhimiýa» döwlet konserniniň hem-de Germaniýanyň «KSB Group» kompaniýasynyň arasyndaky özara düşünişmek hakynda Ähtnama bar.
