«Türkmengazyň» Gazojak şäherindäki bir desgasy satuwa goýuldy

«Türkmengaz» döwlet konserniniň «Lebapgazçykaryş» müdirliginiň «Kömekçi oba» hojalygynyň towuk ýatagy we ammar jaýlary bäsleşikli söwda arkaly satlyga goýuldy. Bu baradaky bildiriş 13-nji oktýabrda «Türkmenistan» gazetinde çap edildi.
Şolgün ýurduň merkezi gazetinde Türkmenistanyň Maliýe we ykdysadyýet ministrliginiň 17-nji oktýabrda bäsleşikli söwda arkaly satlyga goýjak desgalarynyň sanawy paýlaşyldy. Darganata etrabynyň Gazojak şäheriniň Naýip awtomobil ýolunyň ugrundaky towuk ýatagy we ammar jaýlary «Türkmengaz» döwlet konserniniň desgalarynyň arasynda görkezilýär.
Bu desgalar 1981-nji ýylda guruldy. Olar 5 müň 313 inedördül metr ýerde ýerleşýär. Desgalaryň başlangyç bahasy 1 million 77 müň 408 manat.