Türkmenbaşynyň nebiti gaýtadan işleýän zawodlar toplumynda benziniň täze görnüşini çykaryp başladylar
Türkmenbaşynyň nebiti gaýtadan işleýän zawodlar toplumynda ýokary oktanly «AI-98» kysymly benzin çykaryp başladylar.
Ýokary oktanly benziniň birinji tapgyry içerki bazara ugradyldy. Önüm öndürijiler «AI-98» kysymly beznini beýleki ýurtlara eksport etmegi hem göz öňünde tutýarlar.
Häzirki wagtda zawodda «AI-80», «AI-92», «AI-95» benzini, uçar we tehniki kerosini, reaktiw we dizel ýangyjy, mazut, çalgy ýaglary, polipropilen, peç ýangyjy, gazoýl, nebit elektrod koksy, suwuklandyrylan gaz, gurluşyk we ýol bitumy, kükürt, sintetiki ýuwujy serişdeler öndürilýär.
