BILIM

Türkmenabatly okuwçy Ýaşlar guramasynyň bäsleşiginiň ýeňijisi boldy

 Türkmenabat şäherindäki daşary ýurt dillerine ýöriteleşdirilen 2-nji orta mekdebiň 10-njy synp okuwçysy Malika Ýoldaşewa Türkmenistanyň Bilim ministrliginiň Türkmenistanyň Magtymguly adyndaky Ýaşlar guramasynyň Merkezi Geňeşi bilen bilelikde yglan eden bäsleşiginde birinji orny eýeledi.

Bäsleşik Türkmenistanyň Bitaraplygynyň 27 ýyllygyna bagyşlandy we daşary ýurt dillerine ýöriteleşdirilen orta mekdepleriň 9—11 synp okuwçylarynyň arasynda geçirildi. Oňa gatnaşyjylar Bitaraplyga bagyşlanan diktant ýazdylar we iňlis dili bilen baglanyşykly soraglara jogap berdiler.

Malika Türkmenistanyň Garaşsyzlygynyň 31 ýyllygy mynasybetli orta mekdepleriň 9—11-nji synp okuwçylarynyň arasynda «Garaşsyzlyk — bagtymyz» diýen mowzukda iňlis dilinde düzme ýazmak boýunça geçirlen bäsleşigiň döwlet tapgyrynda üçünji orna mynasyp bolupdy.

Понравилась статья? Поделиться с друзьями: