Türkmenabatly mekdep okuwçysy Arkadag şäherindäki ýokary okuw mekdebi tarapyndan geçirilen olimpiadada birinji orny eýeledi
Şu gün Aba Annaýew adyndaky Halkara atçylyk akademiýasy tarapyndan
Türkmenistanyň orta mekdepleriniň 10, 11 we 12-nji synp okuwçylarynyň arasynda biologiýa dersi boýunça açyk internet olimpiadasy geçirildi. Oňa Lebap welaýatynyň mekdep okuwçylary hem gatnaşdylar.
Günüň birinji ýarymynda geçirilen olimpiadada Türkmenabat şäherindäki
ýöriteleşdirilen 39-njy orta mekdebiň 10-njy synp okuwçysy Kerim Italmazow
birinji orny eýeledi. Olimpiadada lebaply mekdep okuwçylarynyň başga-da
birnäçesi öňdäki orunlara mynasyp boldular. Olimpiadanyň gutarnykly
netijeleri akademiýanyň resmi web saýtynda ýakyn günlerde yglan ediler.
Kerim Italmazow bu olimpiada mugallymy, halkara derejeli olimpiadalaryň
ençemesiniň we ýurduň ýaşlarynyň arasynda yglan edilen ylmy işleriň
bäsleşiginiň ýeňijisi Aman Berdimyradowyň ýolbaşçylygynda taýýarlanyldy.
Lebaply mekdep okuwçylary indi «Altyn asyryň altyn zehinleri» atly bäsleşigiň
deslapky tapgyryna taýýarlyk görýärler.
