Türkmenabatly lukmanlar woleýbol boýunça ýaryşdylar
Türkmenabat şäherindäki 2-nji sport mekdebinde welaýat iç keselleri hassahanasynyň lukman gelin-gyzlarynyň arasynda sportuň woleýbol görnüşi boýunça bäsleşik geçirildi.
Lukmanlarymyz «Bagtyýarlyk» hem-de «Galkynyş» atly toparlara bölünip, özara güýç synanyşdylar. Gyzgalaňly geçen bäsleşikde lukmanlar özleriniň ukyp-başarnyklaryny görkezdiler.
Netijede, «Bagtyýarlyk» topary ýeňiji boldy.
Ýeňijilere hem-de ähli gatnaşyjylara hassahanamyzyň kärdeşler arkalaşygynyň ilkinji guramasy tarapyndan gymmat bahaly sowgatlar gowşuryldy.
