JEMGYÝET

Türkmenabatly kosmonawt hoşallyk sözlerini ýollady

Häzirki günlerde älem giňişliginde iş saparynda bolýan Russiýanyň weTürkmenistanyň Gahrymany, Kosmos işi boýunça «Roskosmos» döwlet korporasiýasynyň tälimçi-kosmonawt-synagçysy, kosmonawtlar toparynyň serkerdesi Oleg Dmitriýewiç Kononenko Türkmenistanyň Prezidentiniň we türkmen halkynyň Milli Lideriniň adyna hoşallyk sözlerini ýollady. Bu barada «Türkmenistan» gazeti habar berýär.

Bellenilişi ýaly, kosmonawt öz ýazgylarynda Türkmenistanyň Prezidentine we Halk Maslahatynyň Başlygyna doglan güni mynasybetli iberen gutlaglary üçin tüýs ýürekden hoşallyk bildirýär, şeýle-de Arkadag şäheriniň açylmagynyň bir ýyllygy mynasybetli mähirli gutlaglaryny beýan edýär. Ol Türkmenistanyň at-abraýyny ýokarlandyrmakda we kosmos ugrunda türkmen-rus hyzmatdaşlygyny ösdürmekde mundan beýläk-de uly tagallalary etmäge taýýardygyny mälim edýär. O.Kononenko pursatdan peýdalanyp, Türkmenistanyň Prezidentine we Halk Maslahatynyň Başlygyna berk jan saglygyny, maşgala abadançylygyny, döwlet hem-de syýasy işlerinde uly üstünlikleri arzuwlaýar.

Понравилась статья? Поделиться с друзьями: