Türkmenabatly futbolçy milli ýaryşda gol geçirdi
Türkmenabatly futbolçy Ruslan Priýew düýn ― 16-njy dekabrda
Türkmenistanyň Ýokary ligasyna wekilçilik edýän toparlaryň ýaşlar
düzümleriniň arasyndaky birinjilikde nobatdaky goluny geçirdi. «Ahalyň» ýaşlar düzüminde çykyş edýän Ruslan Gökdepe etrabynyň Babarap obasyndaky Sport mekdep-internatynyň sport desgasynda geçirilen duşuşykda Aşgabadyň «Altyn Asyrynyň» ýaşlar düzüminiň derwezesinden bir gol geçirdi. 30-njy tapgyryň wagty süýşürilen bu duşuşygy 1:1 hasabynda tamamlandy.
Ruslan Priýewiň 39-njy minutda geçiren goluna «Altyn Asyr ― 2» 72-nji
minutda Meýlis Gurbandurdyýewiň tapawutlanmagynda jogap berdi. Ruslan Priýew Türkmenistanyň Futbol federasiýasynyň Lebap welaýatyndaky wekili Kamil Priýewiň ogludyr. Ol dürli ýyllarda «Şagadam», «Köpetdag» we «Energetik» toparlarynyň köýnekçelerini hem geýdi.
