Türkmenabatdaky «Türkmeniň Ak öýünde» baýramçylyk dabarasy geçirildi

Türkmenabat şäherindäki «Türkmeniň ak öýi» binasynda Halkara zenanlar güni mynasybetli baýramçylyk dabarasy geçirildi. Çärä welaýatymyzyň dürli pudaklarynda zähmet çekýän zenanlar, mährem eneler, jemgyýetçilik guramalarynyň wekilleri hem-de talyp gyzlar gatnaşdylar.
Dabaranyň dowamynda çykyşlar edilip, maşgala mukaddesligini gorap saklamakda, milli ýörelgeleri dowam etdirmekde hem-de ýaş nesli milli ruhda terbiýelemekde zenanlaryň tutýan orny nygtaldy. Baýramçylyk dabarasy welaýatymyzyň sungat ussatlarynyň we aýdym-saz toparlarynyň çykyşlary bilen dowam etdi.