Türkmenabatdaky kärhanada geçen ýyl 340 tonna oksigumat öndürildi

Türkmenabadyň himiýa kärhanasynda oksigumat önümçiligi ýokary derejede ýola goýlandyr. Muny geçen ýyldaky önümçilik görkezijileri hem tassyklaýar. Has takygy, 2024-nji ýylyň dowamynda bu ýerde oksigumatyň 340 tonnasy öndürilip, dürli ölçeglerdäki gaplarda sarp edijilere ýetirildi.
Bu ýerde aýakgaplary ýaglamak we reňklemek üçin ulanylýan dürli görnüşli
kremleriň önümçiligi-de ýola goýuldy. Türkmenabadyň gowaça çigidini gaýtadan işleýän ýag-ekstrakt kärhanasynda öndürilýän çigit ýagynyň kislotasy we nebit önümleri gaýtadan işlenende emele gelýän parafin aýakgap kremlerini öndürmekde esasy çig mal bolup hyzmat edýär.