Türkmenabatdaky kärhana 10 aýda 4,5 müň tonnadan gowrak nah ýüplük öndürdi
Türkmenabadyň pagta egriji fabriginde şu ýylyň ýanwar — oktýabr aýlarynda 4
müň 626 tonna nah ýüplük öndürildi.
Ýylyň başyndan bäri pagta egrijileriň gaýratly zähmeti bilen 157 million 953
müň manatlyk iş amala aşyrylyp, maliýe görkezijileri boýunça meýilnama 131,6
göterim ýerine ýetirildi. Geçen ýylyň degişli döwri bilen deňeşdirenimizde,
manat möçberinde önümçiligiň ösüş depgini 138,9 göterime deň boldy. Degişli
döwürde ýurdumyzyň dokma kärhanalaryna hem-de daşary ýurtly sarp
edijilere gymmatly önümiň jemi 5 müň 216 tonnasy ugradyldy. Önümçilik
kärhanasynda öndürilýän nah ýüplüklere bolan isleg ýokarylygyna galýar.
