Türkmenabatdaky institut dekabrda halkara olimpiada geçirer
Seýitnazar Seýdi adyndaky Türkmen döwlet mugallymçylyk institutynyň
gurnamagynda 2024-nji ýylyň 4-nji dekabrynda ýurduň hem-de daşary ýurtlaryň ýokary okuw mekdepleriniň talyplarynyň arasynda IV Açyk halkara fizika internet olimpiadasy geçirilýär.
Olimpiada “Türkmenistanda tebigy we takyk ylmy ugurlara degişli dersleri okatmagy kämilleşdirmegiň Konsepsiýasyny”, “Tükmenistanda umumybilim maksatnamalary boýunça okatmagyň usulyýetini kämilleşdirmegiň 2028-nji ýyla çenli Konsepsiýasyny” we olary durmuşa ornaşdyrmagyň meýilnamalaryny ýerine ýetirmek, şeýle hem bilim ulgamyna innowasiýalary yzygiderli ornaşdyrmagy dowam etmek maksady bilen geçiriler.
Olimpiada şahsy bäsleşik görnüşinde geçirilip, oňa ýurdumyzyň we daşary ýurtlaryň ýokary okuw mekdepleriniň islendik hünärde okaýan talyby gatnaşyp biler.
