Türkmenabatda zenan saglygyna bagyşlanan maslahat geçirildi
Türkmenabat şäher medeniýet öýünde zenanlaryň arasynda duş gelip bilýän howply täze döremelere garşy göreşmekde netijeli işleri öz içine alýan wagyz-nesihat çäresi guraldy.
Welaýat onkologiýa hassahanasynyň guramagyndaky bu çärä dürli pudaklarda zähmet çekýän zenanlar, onkolog lukmanlar we paýtagtymyzdaky Onkologiýa ylmy-kliniki merkeziniň hünärmenleri gatnaşdylar.
Çärede welaýat onkologiýa hassahanasynyň lukmanlary Bagtyýar Ereşow, Gülşat Kazakowa,
Kasym Jumaýew we beýlekiler ýatgy boýunjygynyň howply täze döremeleri we olaryň irki
döwürde öňüni almak barada çykyş etdiler.
Çärede lukmanlar zenanlara döräp biläýjek keselleri ýeňip geçmegiň ugurlary barada giňişleýin maslahat berdiler, zenanlar bilen sowal-jogap alyşdylar.
