Türkmenabatda ýokary derejedäki türkmen-özbek gepleşikleri geçiriler
Ertir ― 21-nji noýabrda Türkmenabat şäherinde ýokary derejedäki türkmen-özbek gepleşikleriniň geçirilmegine garaşylýar. Bu gepleşikler Türkmenistanyň we Özbegistan Respublikasynyň ikinji sebitara forumynyň esasy wakasy bolar.
Forumyň çäklerinde iki ýurduň ýokary derejeli wekilleriniň, Söwda-senagat
edaralarynyň ýolbaşçylarynyň, welaýat häkimleriniň, käbir ministrlikleriniň we
pudaklaýyn edaralarynyň ýolbaşçylarynyň çykyş etmegine garaşylýar. Çykyşlar
tamamlanansoň ikitaraplaýyn duşuşyklar geçiriler. Şeýle hem degişli
resminamalara gol çekiler.
Şeýle hem ertir Özbegistanda öndürilýän harytlaryň Türkmenabat şäherindäki
milli sergisi öz işini tamamlar.
