Türkmenabatda ýene 64 kottej gurulýar
Şu günler Türkmenabat şäheriniň 6-njy gurluşyk materiallary etrapçasynyň 4-nji kwartalynyň çäginde kottej görnüşli jaýlaryň 64-siniň gurluşygy alnyp barylýar. Bu gurluşyklary Türkmenabat şäherindäki «Demirbetonkonstruksiýa» kärhanasy «Jemşidiň jamy» we «Jöwher gala» hususy kärhanalary bilen bilelikde alyp barýar.
Ýakynda şäheriň şu kwartalynda içeri işler edaralarynyň işgärleri üçin kottejleriň 36-sy açylyp, ulanylmaga berildi. Bu jaýlaryň her biri 262,2 inedördül metr meýdany eýeleýär.
Şeýle hem bu kärhananyň gurluşykçylary Çärjew etrabynda dört gatly, 32 öýli jaýlaryň üçüsini, kottejleriň bolsä 17-sini gurmagy meýilleşdirýärler.
