Türkmenabatda woleýbol boýunça ýetginjekleriň arasynda ýaryş geçirildi
Türkmenabat şäherindäki 10-njy sport mekdebinde woleýbol boýunça 2007-nji ýylda doglan oglanlardan düzülen toparlaryň arasynda ýaryş geçirildi. Oňa Türkmenabat şäherinden, Dänew, Çärjew, Saýat we Halaç etraplaryndan türgenler gatnaşdylar.
Ýaryşyň dowamynda türkmenabatly türgenler üstünlikli çykyş edip, garşydaşlaryndan ep-esli tapawutlanmagy başardylar. Olaryň gowy netijelere eýe bolmaklarynda ussat tälimçilerimiz Gurbandurdy Şükürowyň, Nazim Ýoldaşowyň, Türkmenistanyň at gazanan tälimçisi Ahmet Jankulyýewiň mynasyp paýlary bar. Ýaryşyň netijeleri boýunça Türkmenabat-1 topary birinjilige mynasyp boldy. Toparyň düzüminde 10-njy sport mekdebiniň türgenleri çykyş etdiler. Çärjewli türgenler ýaryşyň ikinji baýrakly ornuna mynasyp boldular. Welaýat merkezimizdäki 9-njy sport mekdebiniň oglanlaryndan düzülen Türkmenabat-2 topary üçünji baýrakly orny eýeledi.
