Watan goragçylarynyň güni mynasybetli Türkmenistanyň Demokratik partiýasynyň Türkmenabat şäher komiteti bilen Türkmenabat şäher Beýik Watançylyk urşy muzeýiniň bilelikde guramagynda «Ömrüň manysy Watanyň parahatçylygynda» atly baýramçylyk çäresi geçirildi.
Oňa welaýatyň il sylagly ýaşululary, talyp ýaşlar, Türkmenabat şäher serhet birikmesiniň harby gullukçylary we esgerleri gatnaşdylar. Çäräniň dowamynda ýurt Garaşsyzlygyny we özygtyýarlylygyny pugtalandyrmaga, goranmak ukybyny berkitmäge, howpsuzlygy, jemgyýetçilik we hukuk tertibini, kanunçylygy üpjün etmäge saldamly goşant goşýan Watan goragçylarynyň gaýduwsyzlygy, edermenligi barada buýsançly gürrüň edildi.
Muzeýde Türkmenistanyň Prezidentiniň parahatçylyksöýüjilikli daşary we içeri syýasatyna, merdana pederlerimiziň geçen gahrymançylykly ýollaryna bagyşlanyp guralan sergi çärä gatnaşyjylarda uly täsir galdyrdy.
