Türkmenabatda Watan gerçekleri hatyralandy

Türkmenabat şäher medeniýet öýünde 1941—1945-nji ýyllaryň Beýik Watançylyk urşunda gazanylan Ýeňşiň 80 ýyllygy mynasybetli dabaraly maslahat geçirildi. Oňa il sylagly ýaşulular, kümüş saçly eneler, Türkmenistanyň Mejlisiniň deputatlary, harby we hukuk goraýjy edaralaryň wekilleri, bilim we saglygy goraýyş ulgamlarynyň işgärleri, mekdep okuwçylary we talyp ýaşlar gatnaşdylar.
Watany goramak ugrundaky söweşlerde hakyky edermenlik görkezen ata- babalarymyzyň, mukaddes ojaga wepadarlygyň nusgasyna öwrülen ene-mamalarymyzyň, tyl zähmetkeşleriniň gaýduwsyzlygyny, zähmetsöýerligini, watansöýüjiligini wagyz etmek maksady bilen geçirilen bu maslahatda ýaşuly nesliň wekilleriniň çykyşlara aýratyn orun berildiSoňra maslahata gatnaşyjylar uruş ýyllarynyň wakalaryna bagyşlanan «Gyzyl kürte» atly çeper filme tomaşa
etdiler.