Türkmenabatda täze iş orunlarynyň 120-si döredildi
Buýan kökünden glisirrizin turşusyny öndürýän täze kärhananyň işe girizilmegi bilen, Türkmenabat şäherinde täze iş orunlarynyň ýene-de 120-si döredildi. Bu barada welaýat neşiri habar berýär.
Täze kärhananyň 9-njy oktýabrda açylyp, ulanylmaga berlendigini ýatladýarys. Onuň gurluşygyny «Mizemez gadam» hususy kärhanasynyň hünärmenleri alyp bardy. Kärhana «Buýan» obasenagat toplumyna degişlidir.
