Türkmenabatda stoluň üstünde oýnalýan tennis boýunça welaýat ýaryşy geçirildi

Türkmenabat şäherindäki 6-njy sport mekdebinde stoluň üstünde oýnalýan tennis
boýunça ýaryş geçirildi. Oňa welaýatymyzyň etrap-şäherlerinden we paýtagtymyzdan ýetginjeklerden düzülen toparlaryň 12-si gatnaşdy.
Toparlaýyn, şahsy, jübüt we garyşyk görnüşler boýunça geçirilen ýaryşlar gyzgalaňly häsiýete eýe boldy. Oýunlaryň dowamynda türkmenabatly türgenler garşydaşlaryndan ep-esli tapawutlanyp, baýrakly orunlaryň aglabasyny eýelediler.
Olardan Atabeg Kurbanbaýew, Jora Gurbandurdyýew, Arslan Sapaýew, Gözel Gylyjowa, Aknur Hydyrowa dagy bellenilmäge mynasyp. Aşgabat şäheriniň we Dänew etrabynyň Seýdi şäheriniň türgenleri-de eminleriň ýokary bahasyna mynasyp boldy.