Türkmenabatda paýtagt teatry çykyş edýär
Türkmenistanyň Alp Arslan adyndaky Milli drama teatrynyň artistleri şu günler döredijilik saparynda bolýar. Olar Seýitnazar Seýdi adyndaky döwlet sazly-drama teatrynda aýdym-sazly gülki agşamlary bilen çykyş edýärler.
Teatryň artistleri Oguljan Bekiýewanyň, Süleýman Eminowyň, Gülşat Meňliýewanyň, Begli Orazmuhammedowyň ýerine ýetiren gülküli, degişme sahnalary tomaşaçylara ruhy lezzet paýlaýar.
Artistleriň taýýarlan çykyşlarynda durmuş wakalary çeper beýan edilýär. Zehinli aýdymçy Akmyrat Nurberdiýewiň ýerine ýetirýän şirin owazly aýdymlarynda Watanymyzyň ösüşleri, ajaýyp tebigatymyz, durmuş gözellikleri wasp edilýär.
